Føroyingar skulu fáast at drekka minni

Um nøkur ár skulu føroyingar drekka væl minni enn teir gera í dag

Føroyingar skulu fáast at drekka minni.

 

Tað sigur Karsten Hansen, landsstýrismaður í heilsumálum.

 

Nú hevur hann gjørt eina heildarætlan um ein føroyskan rúsdrekkapolitikk. Og hann sigur, at endamálið við tí er púra greitt at tálma nýtsluni.

 

Sum støðan er nú, drekkur hvør føroyingur yvir 15 ár, 6,4 litrar av reinum alkoholi um árið. Men eingin ivast í, at nýtslan er nakað størri, tí her er tann mongdin ikki tald við, sum føroyingar, innflyta tollfrítt, tá ið teir eru og ferðast.

 

Og tá ið metingar so samstundis siga, at ein triðingur av føroyingum ikki smakkar dropan yvirhøvur, er eyðsæð, at summi drekka rættiliga illa.

 

Samstundis er ávíst, at rúsdrekka elvir til einar 200 ymsar sjúkur. Tí er endamálið við heildarætlanini púra greitt, og tað er at fáa føroyingar at drekka minni, sigur Karsten Hansen.

 

Trýst á pílin undir myndini og hoyr hann annars greiða frá sínum tankum um rúsdrekka og rúsdrekkapolitikk, og hvussu ætlanin er at tálma nýtsluni