Ein av kendastu trummusláarin í rocksøguni er deyður

Ginger Baker spældi trummur langt upp í árini

Ginger Baker spældi trummur langt upp í árini

Nú er bara ein eftir á lívi av einum av teimum fyrstu superbólkunum í rocksøguni.

Tað er greitt eftir at bæði BBC, CNN og aðrir miðlar, bera deyðsboðini av Ginger Baker í morgun. 

Hann var best kendur sum trummusláari í líka legendariska bólkinum, Cream, men hevur eisini spælt í øðrum, kendum bólkum, eitt nú Blind Faith og hann hevur verið virkin tíðina í ymsum øðrum samanhangi.

Hann var annars doyptur Peter Edward Baker, men fekk kelinavnið Ginger, tí hann var reyðhærdur, og hann var 80 ára gamal, nú hann doyði.

 

Í 2005 spældu Cream saman aftur í Royal Albert Hall og tá spældu teir eisini "White Room, sum er ein av teirra kendastu sangum 

##med2##

 

Saman við guitarspælaranum, Eric Clapton og bassspælarunum Jack Bruce, stovnaði hann Cream í 1966, men hóast teir bara spældu saman í eini tvey ár, fingu teir skrivað nakrar av teimum kendastu rocksangunum, sum enn eru at hoyra, og serliga LP-plátan. Disraeli Gears, verður mettur sum ein varði í rovksøguni.

Sjálvur verður Ginger Baker mettur at vera ein av teimum týdningrmestu trummusláaranum.

Ginger Baker spældi eisini í øðrum, kendum bólkum, eitt nú Blind Faith og hann hevur verið virkin alla tíðina í ymsum samanhangi.

Men í seinastuni hevur heilsam bilað og í morgun bórust so deyðsboðini av honum.

Basspælarin í Cream, Jack Bruce, doyði í 2014, 71 ára gamalur, og sostatt er bara Eric Clapton enn á lívi av teimum, sum mannaðu eitt av kendastu orkestrunum í rocksøguni. 

Ginger Baker spældi trummur langt upp í árini

Cream - White Room (Royal Albert Hall 2005) (17 of 22)