Eivør gevur enn ein nýggjan sang út

Hoyr nýggja lagið "Sleep on it" her

Eivør Pálsdóttir hevur givið enn eitt nýtt staklag út. Hetta lagið eitur "Sleep on it", og tað er partur av nýggju fløguni, sum Eivør í løtuni arbeiðir uppá.

Útgávan eitur SEGL, og higartil eru tvey stakløg komin út frá hesari útgávuni. Fyrra staklagið kallast "Patience", og tað kom út síðst í mai.

"Sleep on it" er fyrsta lagið, sum Eivør hevur skrivað av nýggju útgávuni. Hon sigur á facebooksíðu síni, at hon skrivaði lagið eina nátt í íbúð síni í Keypmannahavn fyri trimum árum síðani.

Eivør sigur, at sangurin snýr seg um at taka avgerðir. Hon sigur, at onkuntíð kann ein skeiv avgerð vera einasti mátin at taka røttu avgerðina.

Í heyst, tá nýggja útgávan SEGL er komin út, fer Eivør á eina langa konsertferð. Hon skal spæla í eitt nú Danmark, Týsklandi, Hollandi og Polen.

Hoyr nýggja lagið "Sleep on it" við Eivør her:

##med2##

Eivør - Sleep On It (Official Audio)