Roykur stavaði frá jólatræi

Um hálvgum trý tíðina varnaðust havnarborgarar, at nógvur roykur var millum nøkur hús í miðbýnum. Tað gekk ikki leingi áðrenn løgreglan fekk fráboðanina, og vóru stutt aftaná á staðnum.


- Talan var um nøkur fólk, ið brendu teirra jólatræ í havanum. Tað er ikki lov uttan so, at man hevur fingið loyvi frá myndugleikunum frammanundan. Um grundgevingin er nóg góð, so fáa fólk vanliga loyvi, sigur vakthavandi á løgreglustøðini og leggur afturat.


- Men tá vit ikki vita av, at onkur brennir bál, so er vanliga neyðugt hjá okkum at senda boð eftir sløkkiliðnum, sjúkrabilum og øðrum. Tí verður slíkt vanliga revsa við bót, tí tað kostar at seta alla tilbúgvingina í gongd.


Av tí at bálið var nærhendis løgreglustøðini, var løgreglan tó so mikið skjót á staðnum, og staðfestu at eingin vandi var á ferð, at tað var óneyðugt at seta alla tilbúgvingina í gongd.