Fleiri um boðið at selja Posta

Útlendskur og føroyskur áhugi at selja Posta fyri landsstýrið

Tað er bæði útlendskur og føroyskur áhugi fyri at standa fyri søluni av p/f Postverk Føroya, nú landsstýrið er farið undir at privatisera almenna partafelagið. Tað upplýsir Kringvarpið í dag.

Tá freistin var úti á middegi í gjár hevði Uttanríkis- og Vinnumálaráðið fingið tilboð frá seks feløgum, ið bjóðaðu seg fram til uppgávuna.

Aðalráðið fer at hyggja nærri upp á tilboðini í dag og í næstu viku verður kunngjørt hvør fær arbeiðið at ráðgeva aðalráðnum í tilgongdini at selja partapeningin í almenna partafelagnum.

Tá arbeiðið bleiv boðið upplýsti aðalráðið, at søluráðgevin skal millum annað ráðgeva um yvirskipaða projektleiðslu og samskipan, kortleggja møguligar keyparar og greina strategisk atlit.