Argjamenn í Vági

Bæði FC Suðuroy og AB mangla spælarar til uppgerðina í Effo-deildini í dag

FC Suðuroy hevur tapt allar dystirnar, meðan AB hevur spælt allar sínar javnar. Okkurt av hesum stendur ikki við, tá dysturin millum FC Suðuroy og AB er liðugur.

 

Beinleiðis frásøgn frá dystinum - Trýst HER

 

 Fyri heimaliðið er hetta ein gyltur møguleiki at koma á stigatalvuna. Hóast liðið er uttan Jón Krosslá Poulsen, sum hevur leikbann, so tykist hetta sum ein betri møguleikunum at fáa stig.

 

 AB trívist ikki so væl í skapandi leiklutinum og hevði eitt nú trupulleikar av 07 Vestur í steypakappingini. Tá hepnast mangan betri, tá argjamenn spæla móti betri liðunum. Tá kann AB spæla meiri verjukent og lúra upp á mótálopini.

 

 Hetta verður helst ikki ein møguleiki leygardagin, tí FC Suðuroy eins og AB tykist trívast betri verjukenda leiklutinum.

 

 Spælararnir hjá AB eru heldur ikki av teimum størstu. So verða líkindini eintt sindur ring og talan verður um nógvaer bóltar inn í brotsteigin, so er møguleikin hjá FC Suðuroy at fáa okkurt burturúr.

 

 Fyri AB kemur tað illa við, at Kári Nielsen og Rógvi Poulsen ikki eru við. Javnleikurin tykist sum eina gott boð, men AB er favorittur nú, FC Suðuroy hevur tapt allar dystirnar.

 

FC Suðuroy – AB

Leygardagin klokkan 15.00

Dómari: Lars Muller