Konsert á ársins roykfría skúla

Skúlabørnini á Giljanesi hava nú fingið vinningin, tey fingu fyri at vinna kapping

Í gjár vóru øll børnini íu skúlanum á Giljanesi savnað á skúlanum til konsert.

Men hetta var ikki eintilvildarlig konsert, hetta var nevniliga vinningurin, níggjuni flokkur á skúlanum fekk fyri at vinna kappingina um at verða ársins roykfríi skúli í ár.      

Vinningurin var ein konsert við Sakaris og samstundis fekk flokslærarin, Rutt á Plógv, handað heiðursplátu, sum prógv fyri, at skúlin er Ársins Roykfríi Skúli 2014 og hon skal nú hongjast upp á skúlanum.

Fólkaheilsuráðið, sum eisini eigur myndirnar, sigur, at talið á flokkum, sum eru við í kappingini um at verða ársins roykfríi skúli, økist ár um ár.


Sí fleiri myndir frá konsertini við at trýsta HER


Í ár vóru tað so 67 skúlaflokkar kring alt landið, sum vóru við í kappingini. Flokkarnir skuldu vera roykfríir í ein mánað, frá 9. september til 9. oktober. Hetta megnaðu 42 flokkar, og í lutakasti, sum Fólkaheilsuráðið skipaði fyri, gjørdist 9. flokkur úr Skúlanum á Giljanesi hepni vinnarin.

Myndirnar hevur Kjartan Madsen tikið.

 

 

Tøl og frá 2014: 

Luttakandi børn frá 5. til 10. flokk: 1280

Luttakandi flokkar: 67

Luttakandi flokkar, sum kvalifiseraðu seg til lutakast: 42

Vinnandi flokkur: 9. Flokkur úr Skúlanum á Giljanesi

Skúlin á Giljanesi er tískil Ársins Roykfríi Skúli.

 

 

 

Tøl frá 2013: 

Luttakandi børn frá 5. til 10. flokk: 1039

Luttakandi flokkar: 55

Luttakandi flokkar, sum kvalifiseraðu seg til lutakast: 49

Vinnandi flokkur: 8. a í Eysturskúlanum.

Eysturskúlin er tískil Ársins Roykfríi Skúli.

 

 

 

Tøl frá 2012:

Luttakandi børn í 2012: 520

Luttakandi flokkar: 32 flokkar

Vinnari var 6. flokkur í Skúlanum við Løgmannabreyt.