Løgmaður: Vit skulu vanda okkum um orðini

- Sjálvt í heitum kjaki við ídnastu mótstøðufólk eiga vit at vísa virðing og orða okkum hóvliga, heldur Kaj Leo Holm Johannesen

Kaj Leo Holm Johannesen nart við politiska kjakið og kjakið millum fólk á sosialum miðlum, sum stundum kann verða hart og ágangandi.


Løgmaður segði, at fólk eiga at vanda sær um orðini, og hann viðurkendi eisini, at hann sjálvur kann taka ov ríva til við hvørt.


- Vit eiga at vanda okkum um orðini. Vit eiga øll at hugsa um, hvussu vit tala um land okkara og fólk okkara. Í gerandistalu. Í miðlunum. Á netinum. Í løgtinginum. Og bæði tíðindafólk og vit politikarar hava eina serliga ábyrgd, segði løgmaður í nýggjársrøðuni.

- Vit menniskju eru so ymisk. Sjálvur eri eg bráður av lyndi og havi onkuntíð tikið munnin ov fullan. Men sjálvt í heitum kjaki við ídnastu mótstøðufólk eiga vit at vísa virðing og orða okkum hóvliga. Vit vita jú, at betri er bøtandi hond enn spillandi tunga, segði Kaj Leo Holm Johannesen.