Føroyski »marsmaðurin« í Kongshøll

Føroyski granskarin, David Arge Klevang Pedersen frá DTU Space, hevur staðið á odda fyri menningini av myndatólinum, sum nú leitar eftir lívi á Mars

Føroyski granskarin, David Arge Klevang Pedersen frá DTU Space, hevur staðið á odda fyri menningini av myndatólinum, sum nú leitar eftir lívi á Mars

Granskarin, David Arge Klevand Pedersen frá DTU Space, fer at halda almennan fyrilestur í Kongshøll um slóðbrótandi arbeiði sítt við rúmdartøkni

Føroyski serfrøðingurin í rúmdartøkni, David Arge Klevang Pedersen frá DTU Space, hevur av álvara verið í miðdeplinum í alheims miðlum, síðani NASA setti Perseverance Rover á Mars. Og nú kemur hann á Fróðskaparsetrið at halda fyrilestur. 

Saman við Føroya Tele skipar Fróðskaparsetrið fyri almennum tiltaki um rúmdartøkni í morgin 7. apríl klokkan 16 í Kongshøll á Vestaru bryggju í Havn.

Vegna koronuleiðreglurnar er neyðugt at melda seg til tiltakið her.

##med2##

David Arge Klevang Pedersen fer at greiða frá slóðbrótandi arbeiði sínum undir heitinum, »PIXL onboard Perseverance - Searching for past life on Mars«.

Hann fer at røða um PIXL-myndatólið, sum filmar á Mars, og sum hann stóð fyri at menna og er við til at stýra av jørðini.

Fyrilesturin hjá Davidi verður hildin á enskum, men spurningar og svar eru á føroyskum.

##med3##

Føroyski granskarin, David Arge Klevang Pedersen frá DTU Space, hevur staðið á odda fyri menningini av myndatólinum, sum nú leitar eftir lívi á Mars

Myndatólið er eitt lyklatól á akfarinum hjá NASA, Perseverance Rover, sum nú leitar eftir lívi, sum kanska var, á reyðu gongustjørnini.

David Arge Klevang Pedersen tók ph.d.-prógv í 2016 við ritgerð síni, "High Accuracy Tracking of Space Borne Non-Cooperative Targets", og hann hevur eisini arbeitt saman við NASA í sambandi við rúmdarfarið Juno, sum varð sent til Jupiter.