Fráfaringargudstænasta við Sonju Klein

Sonja Klein takkar nú fyri seg eftir 26 ár sum prestur. Í dag, 1. sunnudag í advent, hevur hon fráfaringargudstænastu í Havnar kirkju klokkan 11

Sonja Klein byrjaði í starvinum sum sóknarprestur í Suðurstreymoyar eystara prestagjaldið í februar 1994 og er tískil ein av teimum prestunum, sum hava sitið longst í starvi í prestagjaldinum.

Nú hon fer frá fyri aldur, hevur hon sagt farvæl í teimum ymisku kirkjunum í sóknini, millum annað í Nólsoy og í Hoyvík, sum fyrr hoyrdi til prestagjaldið, men nú er egið prestagjald.

Í sambandi við gudstænastuna í dag syngur Tórshavnar kamarkór. Kórleiðari er Bernharður Wilkinson. Eftir gudstænastuna verður kaffimunnur í Kirkjustovu.