Fróði: Nú kemur Hola út

Leygardagin kemur føroyska heildarútgávan hjá Fróða við navninum Hola loksins á marknaðin

Leygardagin kemur føroyska heildarútgávan hjá Fróða við navninum Hola loksins á marknaðin. Hola hevur í eitt tíðarskeið bert verið tøk at hoyra á Spotify, men nú kemur Hola eisini út sum LP pláta. Einans 200 eintøk eru prentaði, og sambært Fróða verður plátan ikki endurprentað.

##med2## 

Útgávudagurin verður hildin í Tutl leygardagin kl. 14, har høvi verður at ogna sær plátuna umframt at Fróði Hansen og Bartal Augustinussen spæla nøkur løg av plátuni. Tað er listamaðurin Bárður Dal Christiansen, sum hevur staðið fyri at gera plátuhúsarnar á sínum verkstaði í Keypmannahavn.

Tónleikurin er upptikin í Studio Bloch í fleiri umførum í 2018. Theodor Kapnas hevur verið teknikari og ljóðblandað útgávuna. Tony Lindgren hevur mastrað.

 ##med3##

Tónleikarar á útgávuni:

Mattias Kapnas: klaver, moog, rhodes, orgul og trummumaskinu

Fróði Hansen: sang og slagverk

Andreas Tykjær Restorff: sello

Per Ingvald Højgaard Petersen: trummur

Unn Paturson, Guðrið Hansdóttir og Eyð Steinbjørnsdóttir: kór

 

Konsertkalendarin hjá Fróða og manning í næstum:

25. mai - Útgávudagur í Tutl:

29. mai - Maggies:

30. mai - Gamli Skúli í Sørvági:

31. mai - Tøting

1.juni - Reinsaríið

27. Juli - Ostahúsið