Løkke farin at samráðast við Juncker og Tusk

Mynd: Polfoto

Mynd: Polfoto

Lars Løkke Rasmussen, forsætisráðharri Danmarkar, fer nú undir samráðingar um eina paralellavtalu um Europl við Juncker og Tusk, eftir at danska fólkið segði atkvøddi nei á fólkaatkvøðuni í dag. 46,9 prosent atkvøddu ja, meðan 53,1 prosent atkvøddu nei, tá Danmark skuldi taka støðu til ES-fyrivarni.

 

Gomlu flokkarnir, so sum Javnaðarflokkurin, stjórnarflokkurin Vinstri, tey Radikalu, SF og tey Konservativu vildu hava fólkið at siga, ja, meðan nýggjaru flokkarnir sum Danski Fólkaflokkurin og Eindarlistin vildu hava fólkið at siga nei – og nei-vongurin vann við at kalla sama meiriluta, sum við fólkaatkøvðuna um Maastrichtavtaluna í 1992.

 

Á tíðindafundi í forsætisráðnum eftir fólkaatkøvðuna í kvøld segði Lars Løkke Rasmussen, at hann nú fer undir samráðngar við Jean Claude Juncher, formann fyri ES-kommisiónina og Donald Tusk, ES-forsetan.

 

– Fyrr í kvøld hevði eg góðar og konstruktivar samørður við teir báðar, har eg greiddi teimum frá, hvussu eg helt, at úrslitið fór at verða í kvøld. Tí havi eg avtalað fund við teir báðar, og vit hittast næsta fríggjadag 11. desembe í Brússel, segði Lars Løkke Rasmussen.

 

Málið við samráðingunum er, at Danmark skal framhaldandi skal vera partur av Europol. Um eingin avtala verður, so verður Danmark ikki partur av Europol á sumri í 2017.