Úr Finnlandi til Nólsoyar at bjóða til kaffimik

Í sambandi við HeiMA-festivalin páskaaftan í Nólsoy, eru ikki bara konsertir á skránni.

Mariann og Rógvi, sum búgva Á Ryggi 29 hava fingið listaliga vitjan úr Finnlandi. Eija Mäkivuoti er Artist-in-residence, og hon verður heima hjá Mariann og Rógva leygardagin. Hon arbeiðir við eini ætlan sum kemur at verða víst á HeiMA seinni. Í ár tekur hon myndir og tosar við fólk. 

Saman við Mariann og Rógva bjóðar hon til kaffimik, har møguligt verður at frætta nærri um verkætlanina.

Um undirtøkan er størri enn vænta hava tey við armband fyrsta rætt in til kaffimik-framløguna.