Eitt samfelagsrák at verða realitystjørna

REALITYSJÓNVARP: í núverandi samfelagi er tað nógv fokus á tann einstaka, tí er tað vorið eitt rák at vilja realisera seg sjálvan, millum annað við at gerast realitystjørna. Tað sigur Gestur Hovgaard, samfelagsfrøðingur.

REALITYSJÓNVARP: í núverandi samfelagi er tað nógv fokus á tann einstaka, tí er tað vorið eitt rák at vilja realisera seg sjálvan, millum annað við at gerast realitystjørna. Tað sigur Gestur Hovgaard, samfelagsfrøðingur.

- Okkara samfelag er vorið eitt individualistisk samfelag, har tað er ein partur av sjálvum samfelagsbygnaðinum at tú skalt skapa títt egna, sjálvrealiserast og verða sín egni persónur, sigur Gestur.

Hann sigur, at fyri fáum áðrum síðani var samfelagið soleiðis, at tann yngra generatiónin yvirtók frá tí eldri generatiónini. Hetta merkti millum annað, at um pápi tín var bóndi, so gjørdist tú eisini bóndi, og um papi tín var fiskimaður, so gjørdist tú eisini fiskimaður. Soleiðis er ikki í dag, tí nú er tað tann einstakið, ið er í hásæti.

Orsøkin til at mong velja at luttaka í realitysjónvarpi heldur Gestur millum annað verða, at fólk realisera seg ígjøgnum miðlanar.

- Meðan man fyrr sá upp til foreldrini og fólk í nærumhvørvunum, er tað nú tær stóru stjórnurnar ein sær upp til, og tað eru miðlanar ið lyfta hesar stjórnurnar upp, sigur Gestur, og leggur afturat at tað millum annað kann vera tí at mong velja at luttaka í realitysjónvarpi og gerast realitystjørna, og á tann hátt skapa sína egnu sjálvsmynd.