Enn eitt valevni klárt

Hóast løgtingsval ikki er útskrivað, so eru onkrir flokkar longu byrjaðir at kunngera valevni.

Hóast løgtingsval ikki er útskrivað, so eru onkrir flokkar longu byrjaðir at kunngera valevni. Unga Tjóðveldi og Sosialistisk Ung hava boðað frá, hvørji teirra valevni eru, meðan onkur kend nøvn hava boðað frá, at tey ætla sær at stilla upp til komandi val. Og so er tað Framsókn, sum við regluligum tíðindaskrivum seinastu vikurnar hevur kunngjørt eitt og eitt valevni.

 

Hesaferð er tað Karlot Hergeirson, ið er valevni hjá Framsókn. Hann hevur verið í Framsókn frá byrjan og sigur, at hann líka frá barnsbeini hevur havt áhuga í politikki, men eftir at flokkurin, hann plagdi at velja, fór ov langt frá síni stevnuskrá, fann hann sítt nýggja heim í Framsókn.

 

Aftur hesuferð hevur Framsókn víst mær álit og boðið mær at vera valevni til komandi løgtingsval. Eg haldi tað vera týdningarmikið, at tey ið hava eina meining hvussu landi skal stýrast, tora at bjóða seg fram og sleppa at gera mun, sigur Karlot Hergeirson.

 

Hann stóð eisini á listanum hjá Framsókn við seinasta løgtingsval, og fekk tá 98 atkvøður.