Her er nýggi háskúlastjórin

Sjónleikari úr Klaksvík er settur sum stjóri fyri Føroya Fólkaháskúla

 

Nógvir umsøkjarar vóru til starvið sum stjóri á Føroya Fólkaháskúla, nú Rói Patursson leggur frá sær.

Á fólkafundinum á Háskúlanum í gjár varð kunngjørt, at Annfinnur Heinesen er settur í stjórastarvið.

Annfinnur Heinesen er ættaður úr Klaksvík. Hann hevur útbúgving sum sjónleikari og hevur higartil serliga gjørt vart við seg á palli og skíggja. Nú fær hann so nýggja avbjóðing sum skúlastjóri.