5,2% vøkstur í skattainntøkunum

Fyrstu 10 mánaðirnar í ár eru skattainntøkurnar hjá landinum øktar góð fimm prosent

Taks skrivar á heimasiðu sínari, at landsskatturin higar til í ár er 53,4 mió størri, enn hann var eftir fyrstu 10 mánaðirnar í ár. Landið hevur higartil í ár fingið 1,08 milliard krónur inn í skatti, og sammett við í fjør er landsskatturin 5,18 % hægri enn um somu tíð í fjør.

 

Føroysku kommunurnar hava higartil fingið nakað meir inn í skatti fyrstu tíggju mánaðirnar í 2014 samanborið við sama tíðarskeið í fjør. Kommunurnar hava higartil í ár samanlagt fingið eina milliard og 233 milliónir krónur inn í skatti, og hetta eru 50 milliónir krónur ella 4,28 % meir enn sama tíðarskeið í fjør.

 

Fyrstu tíggju mánaðirnar í 2014 eru slakar 216 milliónir krónur komnar inn í eftirlønarskatti og 35 milliónir í kirkjuskatti. Eftirlønarskatturin er væl hægri enn sama tíðarskeið í fjør, slakar 22 milliónir krónur meira.