Ímeðan vit bíða: Nú eru 63 prosent av allari orkunýtsluni úr olju

Ímeðan vit bíða eftir grønari orku, er veruleikin, at alsamt størri partur av orkuframleiðsluni er úr olju

Tað gongur so sum so at leggja um til grøna orku

Tað gongur so sum so at leggja um til grøna orku

Í 2015 vóru 42 prosent av teirri orku vit brúktu, úr olju. Men nú er talið komið upp á sløk 64 prosent.

Í dag er sostatt ein nógv størri partur orkuni vit brúka, frá oljuriknu verkunum hjá SEV, enn tað tað var fyri fýra árum síðani, verður staðfest í eini nýggjari uppgerð frá Orkudeildini á Umhvørvisstovuni.

Uppgerðin vísir, at higartil í ár er hevur orkuframleiðslan verið 21 GWh størri enn í sama tíðarskeið í fjørð, og tað er ein vøkstur upp á 10 prosent.

Men nógv tann størsti parturin av vøkstrinum, er orka, sum verður gjørd á oljuverkunum hjá SEV.

Frá januar til august í 2015 vóru 17,4 prosent av orkuni frá vindorku, og frá januar til august í ár, vóru 13,3 prosent av orkuni frá vindorku.

Frá januar til august í 2015 vóru 40,5 prosent av orkuni, vit brúktu gjørd á vatnorkuverkunum hjá SEV, men frá januar til august í ár eru bara 22,9 prosent av orkuni frá vatnorkuverkum.

Men frá januar til august í 2015 vóru 42,1 prosent av orkunu, vit brúktu, gjørd á oljuriknu verkunum hjá SEV, men frá januar til august í ár er hetta talið komið upp á 63,8 prosent.

Annars hevur tað í fleiri ár verið eitt politiskt mál, at í 2030 skal øll orkunýtsla á landi vera frá grønum orskukeldum, men tølini vísa, at vit fara alsamt longur burtur frá tí málinum.

Tað gongur so sum so at leggja um til grøna orku