Jacques Chirac deyður

forseti í Fraklandi frá 1995 til 2007

Mynd: Ritzau/Scanpix

Mynd: Ritzau/Scanpix

Fyrrverandi franski forsetin Jacques Chirac andaðist í morgun 86 ára gamal. Tað skrivar bretski tíðindamiðilin BBC.

Jacques Chirac var forseti í Fraklandi frá 1995 til 2007, og er seinasti franski forsetin, ið hevur sitið meira enn eitt skeið.

- Jacques Chircac forseti doyði í morgun, meðan familjan var hjástødd, segði dótturmaður hansara við fronsku tíðindastovuna AFP.

Millum teirra, sum í daga hava sent eina seinastu heilsan til fyrrverandi forsetan er Jean-Claude Juncker, forseti í Evropanevndini og fyrrverandi forsætisráðharri í Luksemborg.

- Evropa hevur ikki bara mist ein stóran stásmann, men forsetin hevur mist ein góðan vin, segði Jean-Claude Juncker í eini fráboðan.

Jacques Chirac varð borin í heim í 1932 og verður hann í dag sæddur sum ein av teimum leiðandi evropeiskum politikarunum, ið virkaði fyri einum sterkum ES. Tað var millum annað við honum sum forseta, at Frakland bleiv partur av evrusamstarvinum.

Mynd: Ritzau/Scanpix