Línuskip fiska á ymiskum leiðum

Línuskip eru undir Íslandi, á Rygginum og undir Føroyum, og onkur av skipunum landa í næstu viku.

- Trý línuskip eru til fiskiskap undir Íslandi. Tvey eru á ísfiskaveiði, og eitt línuskip frystir. Skipini, sum hava mest av toski, hýsu, longu, brosmu og kongafiski, koma heim at landa seinnapartin av næstu viku.

 

Á Fiskamarknaði Føroya vita tey at siga, at tvey línuskip eisini eru á Rygginum. Annað skipið landar væntandi mánadagin og hitt seinni í vikuni.

 

- Í løtuni eru fýra línuskip undir Føroyum. Eitt frystir veiðina umborð, og tvey eru á djúpum vatni og fiska longu og brosmu. Okkurt av hesum skipum kemur væntandi inn at landa í vikuni sum kemur.

 

Um útlitini til útróður, verður sagt, at streymurin verður góður seinnapartin av vikuni. Tí verður eisini roknað við, at nakað verður av útróðri. Útróðrarbátarnir fáa mest av toski, hýsu og nakað av hvítingi.