Løgmaður til minningarhald í Onglandi

Hann fer á minningarhald í sambandi við, at tað nú eru 70 ár síðani seinni heimsbardagi endaði

Sunnudagin verður  løgmaður við til minningarhald í Newcastle í Onglandi, nú 70 ár eru liðin, síðan seinni heimsbardagi endaði.

 

Tað boðar løgmansskrivstovan frá í dag.

 

Minningarhaldið verður í Donsku Kirkjuni St Nicholas Cathedral. Byrjað verður við gudstænastu, og síðani verða kransar lagdir á minnisvarða til heiðurs fyri donsku og føroysku sjómonnunum, ið lótu lív undir krígnum.

 

- Nógvir føroyingar sjólótust undir seinna heimsbardaga. Teirra dirvi og áræði mugu vit ongantíð gloyma, sigur Kaj Leo Holm Johannsen, løgmaður 

 

Hann sigur, at sum siglandi tjóð hevur tað týdning, at vit hava minnisvarðar, sum varpa ljós á vandarnar og tungu byrðarnar, sum okkara sjófólk livdu undir, og tíverri eisini lótu lív av, sigur løgmaður.

 

Myndin er frá í fjør, tá ið løgmaður ein krans við minnislundina í Lichfield í Bretlandi, har umboð fyri bretska kongshúsið hvørt ár vísa sína samkenslu og minnast tey, sum lótu lív á sjónum.