Gásabøga kom við heili 15 ungum

- Eg eri ovfarin av, at gásaparið hevur roynst okkum so væl, sigur Páll Holm í Rituvík.

Tað man nærkast einum meti, at gásapar kemur við heili 15 ungum.

Tað man nærkast einum meti, at gásapar kemur við heili 15 ungum.

 

Í trý ár hevur Páll Holm í Rituvík havt eitt gásapar, og tað er ikki smávegis, sum hetta parið hevur roynst honum væl, tá ræður um gásarungar.

- Í ár lá bøgan við 15 eggum. Við tað, at eg eri sjómaður, visti eg ikki, at eggini vóru so mong, og eg vildi ikki órógva hana, meðan hon lá, sigur hann.

At gásaparið hjá Páll Holm hevur roynst væl hesi árini - og væl betur enn vanligt plagar at vera - sæst, tá hugt verður yvir hesi trý farnu árini.

Tað fyrsta árið kom bøgan við níggju ungum; næsta árið við 13, og í ár kom hon so við heili 15. Tað gevur stívliga 12,3 ungar í miðal um árið.

- Eg eri ovfarin av, at gásaparið hevur roynst okkum so væl. Bøgan, sum okkara bøga er undan, hevði eitt árið 13 ungar, sum var tað mesta hjá henni, sigur Páll Holm.

 

 

Tað man nærkast einum meti, at gásapar kemur við heili 15 ungum.