Mentanarheiður verður í Runavík í kvøld

Í kvøld fer Jenis av Rana, landsstýrismaður í mentamálum, at handa virðislønirnar til lista- og mentafólk fyri árið 2020.

Fyri einum ári síðani handaði Jenis av Rana, landsstýrismaður í mentamálum, Hanusi G. Johansen mentanarvirðislønina fyri 2019

Fyri einum ári síðani handaði Jenis av Rana, landsstýrismaður í mentamálum, Hanusi G. Johansen mentanarvirðislønina fyri 2019

Í ár verður hátíðarløtan í Løkshøll í Runavík mikukvøldið 13. januar kl 19.00.

Av tí, at áskoðaratalið má avmarkast fyri at fylgja tilmælunum, verður tiltakið í ár bara fyri innbodnum. Men almenningurin kann fylgja við í Kringvarpinum, sum sendir beinleiðis frá Løkshøll bæði í útvarpinum og sjónvarpinum.

Tríggjar virðislønir verða handaðar komandi mikukvøld:

  • Mentanarvirðisløn Landsins, sum er 150.000 kr. Hon verður latin fyri at heiðra føroyskt mentafólk sum tøkk fyri útint listarligt avrik.
  • Heiðursgáva Landsins, sum er 75.000 kr. Hon verður latin fyri at hava virkað til frama fyri mentanarlig virði, sum hava týdning fyri føroyska mentan, list og mentanararv.
  • Serstaka virðislønin, sum er 50.000 kr. Hon kann eftir landsstýrismansins egnu avgerð latast listafólki, mentafólki ella felagsskapi, sum hevur virkað til frama fyri mentanarlig virði, sum hava týdning fyri føroyska mentan, list og mentanararv.

Hesar somu virðislønirnar vórðu eisini handaðar í fjør. Tá fekk Hanus G. Johansen mentanarvirðisløn landsins, Simme Arge Jacobsen fekk heiðursgávu landsins og forlagið Leirkerið fekk serstøku virðislønina.

Sum siðvenja er, verða nøvnini á teimum, sum fáa virðislønirnar, ikki kunngjørd, fyrr enn tá virðislønirnar verða handaðar.

Mentanarvirðisløn Landsins hevur verið latin síðani 1998. Talan er um tvær høvuðsvirðislønir, sum verða latnar hvørt ár, tó eru nøkur undantøk, har virðislønir ikki eru latnar. Mentanarvirðisløn landsins er á 150 000 krónur, heiðursgáva landsins er á 75 000 krónur. Av og á verður ein triðja virðisløn latin, hon kann vera til ungt listafólk ella til onkran annan serligan bólk av listarfólki og er á 50 000 kr.

Sømdargáva landsins er í løtuni 20 000 krónur, sum verða latnar mentafólki soleiðis, at tey fáa upphæddina útgoldna einaferð um árið restina av lívinum. Virðislønin verður latin sambært kunngerð soleiðis:

Landsstýrismaðurin veitir eftir tilmæli frá nevndini lívslanga heiðursgávu, nevnd sømdargáva, til navngivið listafólk, so leingi viðkomandi er á lívi.

Til tess at fáa sømdargávu skal listafólkið hava útinnt listarligt avrik, ið verður mett at hava týdning fyri samtíð og framtíð. So hvørt listafólk fer úr skipanini, skal støða takast til, um annað listafólk eigur at fáa lívlanga sømdargávu.

Hesar heiðurslønirnar verða givnar uttan umsókn, sum ein viðurkenning av føroyskum listafólki.

Hesi hava fingið Mentanarvirðisløn landsins er á 150.000 kr:

2019 – Hanus G. Johansen

2018 – Bárður Jákupsson

2017 – Barbara í Gongini

2016 - Rúni Brattaberg

2015 - Annika Hoydal

2014 - Tórbjørn Olsen

2013 - Tróndur Patursson

2012 - Tóroddur Poulsen

2011 - Jóanes Nielsen

2010 - Sunleif Rasmussen

2009 - Kári Leivsson (Kári P.)

2008 - Ebba Hentze

2006 - Zacharias Heinesen

2005 - Tita Vinther

2004 - Ongin virðisløn latin

2003 - Hanus Kamban

2002 - Gunnar Hoydal

2001 - Eyðun Johannessen

2000 - Ingálvur av Reyni

1999 - Jens Pauli Heinesen

1998 - Regin Dahl

 

Hesi hava fingið Heiðursgávu landsins er 75.000 kr:

2019 – Simme Arge Jacobsen

2018 – Astrid Andreasen

2017 – Frits Johannesen

2016 – Steinprent

2015 – Jákup Pauli Gregoriussen, arkitektur

2014 - Tey av Kamarinum

2013 - Árni Dahl[

2012 - Marianne Clausen

2011 - Kristian Blak

2010 - Jonhard Mikkelsen

2009 - Laura Joensen

2008 - Martin Tórgarð

2007 - eingin heiðursgáva latin

2006 - Jógvan Isaksen

2005 - Emil Juul Thomsen

2004 - eingin heiðursgáva latin

2003 - Ólavur Hátún

2002 - Axel Tórgarð

2001 - Fuglafjarðar Sjónleikarafelag

 

Hesi hava fingið Virðislønin til ungt listafólk, sum er 50.000 kr:

2019 – Ongin virðisløn latin

2018 – Búi Rouch, dansari

2017 – Konni Kass, songkvinna og sangskrivari.

2016 - Anna Malan Jógvansdóttir, rithøvundur

2015 - Andrias Høgenni, Filmsleikstjóri

2014 - Mathias Kapnas

2013 - Trygvi Danielsen

2012 - Silja Strøm

2011 - Sakaris Stórá

 

Aðrar heiðurslønir frá Mentamálaráðnum

Sømdargáva landsins er ein árlig upphædd á 20.000 kr., sum verður latin restina av lívinum; sum hesi hava fingið:

2015 - Alexandur Kristiansen

2014 - Oddvør Johansen

2014 - Katrin Ottarsdóttir

2012 - Ebba Hentze

2012 - Hanus G. Johansen

2012 - Guðrið Poulsen

 

Fyrr hava hesi fingið sømdargávu landsins:

Óli Petersen

Hanus Kamban

Rói Patursson

Zacharias Heinesen

Tróndur Patursson

Bárður Jákupsson

Málrøktarvirðisløn Landsins

2010: Jóhan Hendrik Winther Poulsen

 

Hesi hava fingið serstaka virðisløn:

2019: Forlagið Leirkerið við brøðrunum Zacharias Zachariasen og Flóvin Tyril

2006: Jón Hilmar Magnússon

2001: Ebba Hentze

Fyri einum ári síðani handaði Jenis av Rana, landsstýrismaður í mentamálum, Hanusi G. Johansen mentanarvirðislønina fyri 2019