Mest lisnu søgur í 2019: Røvari og politi í Vágsbotni (1)

Mest listna grein á in.fo í 2019 var greinin »Røvari og politi í Vágsbotni«

Vit á in.fo vóru eygleiðarar á fyrstu parkett, tá løgreglan valdi at arbeiða under cower beint uttan fyri Miðlahúsið

Vit á in.fo vóru eygleiðarar á fyrstu parkett, tá løgreglan valdi at arbeiða under cower beint uttan fyri Miðlahúsið

Hetta var søgan um Mortan Johannesen, sum selur fiskavørur á torginum í Vágsbotni.

Hann troyttaðist av viðurskiftinum, eftir at Tórshavnar kommuna hevur sett pullartar fyri, sum steðga allari ferðslu út eftir bryggjuni, sum merkti, at hann mist nógva sølu.

Hetta førdi til sannan dramatikk millum Mortan Johannesen og løgregluna, tí at »onkur« í heilum hongdi ein plastikkposa út yvir fotoselluna, sum stýrir ferðsluforðingini. Úrslitið av tí var, at teir ikki fóru upp, og at ferðsla ótarnað kundi koyra út eftir bryggjuni.

Løgreglan vildi uppklára málið – og við at liggja upp á lúr fangaði løgreglan brotsmannin upp á feskan gerning.

In.fo skrivaði soleiðis 29.05.2019: »Mortan Johannesen, sum regluliga selur fiskavørur á torginum í Vágsbotni, sum Tórshavnar býráð hevur gjørt til tað sama, er sera harmur um, at býráðið steingir bryggjuna í Vágsbotni fyri ferðslu.

##med2##

– Tað eru fyri tað mesta eldri fólk, sum keypa frá mær, og tey koma við bili. Tá býráðið steingir bryggjuna av, so koma eingir kundar og so er eingin søla, sigur Mortan Johannesen.

Summi fólk hava kotu ella fjarstýring at fáa pullartarnar niður, so tey sleppa út og inn. Nú hevur Mortan fingið bót fyri at forða fyri, at pullartarnir fara upp og soleiðis at lata ferðsluna sleppa at koyra, har ikki er loyvt at koyra.

Løgreglan hevur fleiri ferðir verið í Vágsbotni, tí »onkur« hevur smoygt ein posa út yvir fotoselluna, sum stýrir pullartunum, so teir fara uppaftur. Nú vildi løgreglan hava greiði á, hvør »røvarin« er, tí legði løgreglan seg upp á lúr aftan fyri Hotel Tórshavn, til »røvarin« vísti seg – og tað eydnaðist, so sum filmurin omanfyri vísir.«

 

 

Vit á in.fo vóru eygleiðarar á fyrstu parkett, tá løgreglan valdi at arbeiða under cower beint uttan fyri Miðlahúsið

Mortan2