Leitingin á Skálafirði avblást

Bjargingarliðini funnu einki

Eisini bjargingarbáturin, Lív, var við í leitingini í kvøld. Mynd: Helgi Abrahamsen

Eisini bjargingarbáturin, Lív, var við í leitingini í kvøld. Mynd: Helgi Abrahamsen

Í kvøld varð stórt leiting sett í verk eftir at ein maður hevði boðað frá, at hann hevði sæð eina neyðrakett við Raktanga á Skálafirði.

 

Hetta var beint eftir klokkan 20 í kvøld, og bæði tyrla, bjargingarbáturin, Lív, og Brimil, fóru alt fyri eitt at leita at vita um tey kundu fáa greiði á, um nakar var í neyð.

 

Tey leitaðu í tveir tímar á Skálafirði, á Tangafirði, og har um vegir, men stutt eftir klokkan 22 í kvøld varð leitingin avblást, sigur løgreglan.

 

 

Les eisini: Hava boðað frá neyðrakett í kvøld

 

 

Hóast tey hava leitað væl, hava tey ikki funnið nakað óvanligt, og tískil góvust teir at leita klokkan gott 22 í kvøld, sigur løgreglan.

 

Á myndini er tað bjargingarbáturin, Lív, sum leitar á Skálafirði. Mynd: Helgi Abrahamsen.