Missiónshúsið verður rivið niður

Tá nýggja missiónshúsið á Strondum stóð liðugt í 2018, yviryók kommunan gamla húsið, sum nú skal rívast niður.

 

 

So skjótt, sum tað verður samanhangandi gott veður í nakrar dagar, verður farið í holt við at taka gamla missiónshúsið í Strandatúni á Strondum niður.

Í Sjóvar kommunu vísa tey í dag á, at tá arbeiðið fer í gongd, fer ferðslan í Strandatúni at verða tarnað, so leingi sum arbeitt verður á økinum.

Tá nýtt missiónshús varð bygt á Strondum, varð avtala gjørd millum Sjóvar kommunu og stýrið fyri missiónshúsið, at kommunan skuldi yvirtaka gamla húsið.

Nýggja missiónshúsið á Strondum varð tikið í nýtslu hin 24. februar í 2018, og síðan er alt virksemið so líðandi flutt úr gamla missiónshúsinum og yvir í nýggja húsið.

Nú skal so gamla húsið rívast niður, og hetta verður gjørt so skjótt, sum sagt verður frá nøkrum fylgjandi døgum til veður.