Mist túsund hotelnætur í mars

Felagið Gist & Vist, sum varðar av Hotel Føroyar, Hotel Tórshavn og Hotel Vágar, hava mist túsund hotelnætur bara í mars. Avlýsingarnar rapla inn fyri komandi mánaðirnar

– Tað sær ikki gott út, og vit hava ikki góðar vónir fyri hetta árið, sigur Jóhanna Rasmusssen, sølustjóri hjá Gist & Vist, ið tekur sær av øllum hotelbíleggingunum.

Ferðavinnan er ein av vinnunum, ið merkir størst avleiðingar av coronasmittuni. Og hóast mars er lágárstíð hjá gistingarhúsunum, so eru avleiðingarnar ógvusligar hjá gistingarhúsunum.

– Vit eru ikki komin ígjøgnum allar teldupostarnar, har einstaklingar, ferðaløg, ráðstevnur og onnur avlýsa. Men tað eru sera nógvar avlýsingar. Bara í mars hava vit mist umleið túsund hotelnætur, sigur Jóhanna Rasmussen.

Ferðavinnan hevur seinnu árini stríðst við at leingja um háárstíðina, og tað er partvís eydnast, tí at fleiri og fleiri hava eisini ferðast um veturin, og harvið eru eisini fleiri hotelkømur bíløgd.

Men nú hevur coronasmittan broytt alt upp á heilt stutta tíð.

– Hotellini eru ikki heilt tóm, men so gott sum tóm. Tað er sera harmiligt, tá ið vit hava stríðst í fleiri ár fyri at fáa fleiri ferðandi um veturin, og tað hevur eisini verið vøkstur í, sigur sølustjórin.

Lesið alla greinina í Sosialinum, sum er at fáa í leysasølu kring landið.