Næstan annaðhvørt starvsfólk hevur ikki lært

Nógv ringast stendur til í Suðurstreymoy

Næstan annarhvørt fólk, ið arbeiðir sum heilsuhjálpari á eldraøkinum kring landið, hevur onga útbúgving.

Tað vísir eitt yvirlit, Heilsuhjálparafelag hevur latið Løgtinginum.

Løgtingið viðger eitt uppskot frá tjóðveldi um at seta onkra skipan í verk við tí endamáli at útvega fleiri útbúgvin røktarstarvsfólk til eldraøki.

Og í tí sambandi vísir Heilsuhjálparafelagið á, at næstan annaðhvørt fólk, ið arbeiðir sum heilsuhjálpari, hevur ikki útbúgving á økinum.

Tilsamans er talan um gott og væl 700 fólk, ið arbeiða sum heilsurøktarar í eldraøkinum kring landið, men av teimum eru tað yvir 330, sum ikki hava útbúgving.

Nógv ringast stendur til í Suðurstreymoy, har tey hava sløk 230 fólk, ið arbeiða sum heilsuhjálparar í eldrarøktini, men tað eru bara stívliga 90 av teimum, sum hava útbúgving. Sostatt er stór yvirvág av starvsfólki, sum ikki hava útbúgving.

Tað stendur frægari til aðrastaðni í landinum, men tað økið, sum er frægast fyri í so máta, er Suðuroy, har starvsfólkini eru 60 í tali, men har tað bara eru fimm, sum ikki hava útbúgving.

Annars síggja tølini kring landið soleiðis út:

Suðurstreymoy

Faklærd 93

Ófaklærd 135

Tilsamans: 228

 

Nánd, sum er eldrasamstarvið ímillum Eysturkommunu og Fuglafjørð

Faklærd 28

Ófaklærd 42

Tilsamans: 70

 

Veks, sum er eldrasamstarvið ímillum Vestmanna, Eiði, Kvívík og Sunda Kommuna

Faklærd 38

Ófaklærd 39

Tilsamans: 77

 

Roðin, sum er eldrasamstarvið ímillum Sjóvar Kommunu, Nes Kommunu og Runavíkar Kommunu

Faklærd 45

Ófaklærd 43

Tilsamans: 88

 

Sandoy:

Faklærd 15

Ófaklærd 13

Tilsamans: 28

 

Suðuroy:

Faklærd 55

Ófaklærd 5

Tilsamans: 60

 

Norðoyggjar:

Faklærd 41

Ófaklærd 38

Tilsamans: 79

 

Vágar:

Faklærd 32

Ófaklærd 11

Tilsamans: 43

 

Almannaverkið

Faklærd 26

Ófaklærd 9

Tilsamans: 35

 

Tilsamans:

Faklærd: 373

Ófaklærd: 335

Tilsamans: 708