Almennur fyrilestur um sníkar í seyði og neytum

Í sambandi við føroysku verkætlanina “Occurence of Cryptosporidium and Giardia in sheep and cattle in the Faroe Islands - a potential for parasitic contamination of drinking water reservoirs?”, sum er stuðlað av Granskingarráðnum, verður skipað fyri fyrilestri við Lucy Robertson, professara á Norges Miljø- og Biovitenskapelige Universitet (NMBU).

 

Lucy hevur í áratíggju granskað innan yvirvøku og ávísing av sníkunum Cryptosporidinum og Giardia í vatni og mati, somuleiðis í eftirliti og stýring ísv. útbrot, menning av kanningarháttum v.m. Lucy hevur sostatt drúgvar royndir og holla vitan innan á hesum øki og fer hon í sínum fyrilestri at greiða frá, hvar og hvussu sníkarnir Cryptosporidium og Giardia flyta seg í umhvørvinum.

Eisini fer Kim S. Bergkvist frá Heilsufrøðiligu Starvsstovuni at greiða frá føroysku verkætlanini.

Aftaná verða spurningar og kjak.

 

 

Skrá:

Finnast sníkarnir – Cryptosporidinum og Giardia – í føroyskum seyði og neytum, og kunnu hesir dálka drekkivatnið?
(Kim S. Bergkvist, Heilsufrøðiliga Starvsstovan)

Cryptosporidium and Giardia, and their transmission
(Prof. Lucy Robertson, NMBU)

 

Mynd: Annika Søvará