Noreg: Øll manningin tikin av skipinum

Í kvøld klokkan 20.24 lokala tíð upplýsir Høvuðsbjargingarmiðstøðin, at øll manningin er tikin av skipinum, og nú skulu myndugleikarnir finna út av, hvussu fram skal farast, nú skipið er mannleyst.

- Ein av manningini hevur fingið skaða, men vit vita ikki, hvussu umfatandi skaðin er.

- Ein av manningini hevur fingið skaða, men vit vita ikki, hvussu umfatandi skaðin er.

 

VG veit í kvøld at siga, at øll manningin, sum var við niðurlendska farmaskipinum, Eemslift Hendrika, sum í morgun sendi út neyðarkall, nú er tikin av skipinum. Fyrr í dag vórðu tey fyrstu átta av manningini tikin upp í eina tyrlu, sum fleyg sjófólkini til Ålesund.

Skiparin ynskti, at fýra av manningini vóru eftir umborð í einari roynd at bjarga skipinum, ið hevði fingið slagsíðu. Ógreitt er, hvussu hetta hevur gingist, men sambært norskum miðlum í kvøld, er nú øll manningin tikin av skipinum, sum framvegis hevur slagsíðu.

Lastin hevur forskotið seg, og Eemslift Hendrika hevur sambært bjargingarleiðaranum á Høvuðsbjargingarmiðstøðini í Suðurnoregi, Oddgeir Anderse, eina slagsíðu upp á umleið 30 stig. Fyrsta tyrlan kom til skipið klokkan 11.30 lokala tíð, og ein lítlan tíma seinni lendi tyrlan við teimum fyrstu átta av manningini trygt í Ålesund.

Í kvøld klokkan 20.24 lokala tíð upplýsir Høvuðsbjargingarmiðstøðin í Suðurnoregi, at øll manningin er tikin av skipinum, og nú skulu norsku sjóvinnumyndugleikarnir royna at finna út av, hvussu fram skal farast víðari, nú skipið er mannleyst.

- Ein av manningini hevur fingið skaða, men vit vita ikki í løtuni, hvussu umfatandi skaðin er, og helst verður øll manningin, sum eftir var á skipinum, flutt á sjúkrahús, tá tyrlan kemur til lands, sigur bjargingarleiðarin, Kjetil Hagen, við VG.

Hann leggur aftrat, at ein bjargingartyrla er úti hjá skipinum og fylgir gongdini.

Einaferð fyrr í dag fekk manningin, sum tá var eftir umborð á skipinum, pumpur í royndini at tøma sjógv úr skipinum. Sum skilst, hevur forskjótingini av lastini elvt til, at sjógvur sleppur niður í lastarúmið á Eemslift Hendrika.

Sambært VG er støðan við skipinum ógreið í løtuni, og sagt verður frá aldu á leiðini, sum er upp í 15 metrar høg. 

##med2##

- Ein av manningini hevur fingið skaða, men vit vita ikki, hvussu umfatandi skaðin er.