VÍF lorkaði sigurin burtur

Seinasta korterið tveitti VÍF tryggja leiðslu burtur móti Sveini Justinussen og StÍF

 

 

savnsmynd

savnsmynd

Hondbóltslagið á vestara armi á Skálafjørðinum er veruliga um at koma í røttu leguna.

 

Eftir eina tunga byrjan upp á árið, tykist StÍF veruliga hava vundið seg upp, og í kvøld prógvaðu teir, at teir eru nakað heilt serligt, tá um ræður steypakappingina.

 

VÍF var annars liðið, sum byrjaði betur, og teir vunnu sær skjótt eina hampuliga leiðslu. At StÍF yvir høvur var við í dystinum, kunnu teir takka Sveini Justinussen fyri. Stórskjúttin stóð fyri ikki færri enn níggju av teimum 11 málunum, sum gestirnir fingu fyri steðgin!

 

Eftir steðgin tóktist sama gongdin standa við, men seinasta korterið kom vend í. VÍF var annars á odda 24-20, men seinasta korterið vann StÍF 11-5, og fóru teir soleiðis avstað við tveimum sera virðismiklum stigum. Tvey stig, sum kunnu vísa seg at verða avgerandi, tá nøvn verða sett á hálvfinaluplássini.

 

Sveinur Justinussen skeyt 15 av málunum hjá StÍF. Filip Jojic skeyt 12 mál fyri vestmenningar.

 

VÍF-StÍF 29-31 (17-11)