Nýggjur fíggjarleiðari í IRF

Mánadagin 4. november byrjaði Arne Ree Winthereig sum fíggjarleiðari hjá IRF. Hann er 34 ár og búsitandi á Nesi

Starvið sum fíggjarleiðari er eitt nýtt starv hjá IRF, sum í høvuðsheitum snýr seg um at varða av fíggjarligu og fyrisitingarligu viðurskiftunum hjá felagnum. Fíggjarleiðarin er partur av ovastu umsitingarligu leiðsluni í felagsskapinum, skrivar IRF á heimasíðuni.

Arne hevur eina HD í roknskapi og er cand. merc. í Finance and International Business. Hann hevur millum annað starvsroyndir sum roknskaparráðgevi hjá BioMar Group, umframt royndir sum fíggjarleiðari á Fiskavirkinum í Gøtu og fulltrúi í Fiskimálaráðnum.

– Tað er sera spennandi at gerast partur av einari fyritøku í menning, hvørs virksemið beinleiðis ávirkar størsta partin av borgarunum og vinnulívinum í Føroyum. Eg síggi fram til at vera við til at mynda eina fyritøku, sum arbeiðir við at menna loysnir innan burturkast- og endurnýtsluøkið” sigur nýggi fíggjarleiðari hjá IRF.