KÍ vann í evstu løtu

Í yvirtíðini eydnaðist tað Hervør Olsen at skjóta einasta málið í steypafinaluni hjá kvinnum

KÍ-kvinnurnar eru aftur í ár steypavinnarar. Tað staðfestu tær við teprum sigri á HB í dag.

 

Men tað var nú ikki meira enn akkurát. Hóast KÍ-kvinnurnar vóru í greiða og vanliga favoritt-leiklutinum, so gekk sera striltið at skúgva mótstøðuna frá HB til viks. Fyri tað nógva var tað KÍ, sum myndaði spælið, men HB var alla tíðina vandamikið í kontra, og ikki minst var tað Heidi Sevdal, sum royndi at liggja framvið.

 

Myndatema sæst her

 

Einsamalla málið kom langt inni í yvirtíðini. Innskifta Hervør Olsen stútaði eitt innlegg úr høgru, og so kundu tær bláu fegnast, uttan at orsøk var at fara ígongd við longda leiktíð.

 

HB royndi at trýsta seinastu lítlu løtuna, men tað hjálpti lítið, og so var fagnaðurin ovurstórur hjá KÍ, meðan tær reyð/svørtu lógu skerflatar á vøllinum og iðraðu seg.

 

HB-KÍ 0-1 (0-0)

0-1: Hervør Olsen, 90.