Svølgdi 40 gramm av hassji

Ein maður er nú skuldsettur fyri at smugla 40 gramm av hassji til Føroya

Í farnu viku varð ein maður varðhaldsfongslaður í tríggjar dagar, tí hann var undir illgruna fyri at smugla hassj.


Prógvini vóru enn ikki til staðar, tí maðurin var illtonktur fyri at smugla hassj innvortis og tískil varð hann varðhaldsfongslaður í tríggjar dagar.

 

Tað skuldi so verið nóg mikið til, at tað, hann hevði í sær, kom fyri dagin aftur.

 

Maðurin var eisini í skannara á Landssjúkrahúsinum og har varð staðfest, at hann hevði smáar posar í maganum.

 

Og løgreglan sigur, at tilsamans snúði tað seg um 40 gramm av hassji, sum hann royndi at smugla, men sum løgreglan legði hald á, so hvørt tað kom fyri dagin.

 

Maðurin, sum er fyrst í tjúgunum, var komin við flogfari til Føroya og var tikin á veg inn í landið.

 

Løgreglan sigur, at talan er um ein gamlan kenning og hann verður nú førdur fyri rættin fyri hesa smuglingina og fyri onnur, smærri brot á lógina um rúsevni, umframt onnur lógarbrot.