Vágbingar fáa eisini frí

Vágs kommuna gevur starvsfólkunum frí til klokkan 11, so tey fáa høvi at uppliva sólarmyrkingina.

Vágs kommuna hevur avgjørt at geva starvsfólkunum frí til klokkan 11, hin 20. mars, so at stavsfólkini fáa høvi at uppliva sólarmyrkingina.

- Sólarmyrkingin 20. mars er so stór hending fyri føroyingar, at fólk eiga at fáa høvið at uppliva hesa serstøku hending, skrivar kommunan í fráboðan.

 

Vágs kommuna skrivar, at mong foreldur hava longu givið til kennar, at tey ynskja at hava børnini heima hendan dagin, og tískil kannar kommunan, hvør tørvurin er at skipa fyri barnaansing áðrenn klokkan 11.