Pelagos hevði 33,6 milliónir í avlopi í fjør

Nettosølin hjá uppsjóvarvirkinum Pelagos í Fuglafirði í fjør var slakar 600 milliónir krónur. Við einum framleiðslukostnaði upp á góðar 500 milliónir gjørdist bruttovinningurin slakar 100 milliónir krónur. Ítøkiliga var bruttovinnuginr 96,6 milliónir krónur í mun til 102,6 milliónir árið fyri.

Jóhan Páll Joensen, stjóri á P/F Pelagos

Jóhan Páll Joensen, stjóri á P/F Pelagos

Starvsfólkakostnaðurin var 27 milliónir krónur í mun til 30,7 milliónir krónur árið fyri.

Úrslitið eftir skatt var 33,6 milliónir krónur í min til 35,9 milliónir í 2018. Skattur felagsins í fjør var 7,4 milliónir krónur, sum leiðslan er nøgd við.

Høvuðsvirksemið hjá P/F Pelagos fevnir um framleiðslu av pelagiskum fiskavørum.

Felagið skrivar í ársfrágreiðingini, at roknskaparárið hevur verið ávirkað av eini størri framleiðslu enn væntast kundi av einum miðal ári.

– Felagið hevur í árinum gjørt ílgøur í verandi uppsjóvarvirki í Fuglafirði upp á tilsamans 394 milliónir krónur, skrivar felagið í ársfrágreiðingini.

P/F Pelagos hevur eina eginong upp á 185,8 milliónir krónur svarandi til 51 prosent av ognum felagsins í mun til 39 prosent árið fyri.

##med2##

– Frameiðsla felagsins verður seld á altjóða marknaðum, og er tí váðin seliga tengdur at búskaparstøðuni í viðkoamndi londum. Felagið fylgir við støðuni í teimum londunum selt verður til og roynir at minka um møguligar váðar í hesum sambandi.

Felagið væntar eitt heldur lakari úrslit í ár, tí at tað væntar, at framleiðslan veðrur heldur minni í ár.

Fakta um P/F Pelagos:

Stjórn:

Jóhan Páll Joesen.

Nevnd:

Jan Petersen, nevndarformaður

Anfinnur Olsen, nevndarlimur

Odd Eliasen, nevndarlimur

Stovnað:

27. januar 2014, hetta er 6. roknskaparár

Starvsfólk:

55

Eginogn:

186 milliónir krónur

 

Vinningsbýti:

6,7 milliónir krónur

 

Eigarar:

Á Enni P/f, Fuglafjørður

Framherji Sp/f, Fuglafjørður

Havsbrún P/f, Glyvrar

Palli hjá Mariannu P/f, Klaksvík

Jóhan Páll Joensen, stjóri á P/F Pelagos