Roknskapurin hjá Atlantic Petroleum vísir 92 milliónir í framgongd

Ársúrslitið hjá Atlantic Petroleum fyri 2018 var slakar 24 milliónir krónur. Tað er 92 milliónir krónur frægari enn árið fyri, tá úrslitið var minus 67 milliónir krónur.

.

.

Sambært roknskapinum, so var nettosølan í fjør góðar 35 milliónir krónur, meðan hon í 2017 var 0 krónur. Starvsfólkakostnaðurin var bæði í fjør og í 2017 2,5 milliónir krónur. Meðan annar rakstrarkostnaður var 10 milliónir í fjør í mun til 57 milliónir í 2017.

Tað eru nógv tøl, sum hava flutt seg í stóran mun hjá Atlantic Petrolum. Eitt nú er eginpeningurin vaksin úr minus 150 milliónum til pluss 71 milliónir krónur.

Skuldin hjá felagnum er eisini minkað munandi. Frá at vera upp á 214 milliónir í 2017 er hon minkað til 120 milliónir í fjør.

Einastu lønarútreiðslur hjá Atlantic Petroleum eru til leiðsluna. Stjórin hevur fingið 1,56 milliónir krónur, meðan nevndin hevur fingið tilsamans slaka millión.

##med2##

Í formansfrágreðigini sigur Henrik Olesen, nevndarformaður, at ársfrásøgnin hjá Atlantic Petrolum fyri 2017 vísti eitt felag, sum yvirlivdi avbjóðingarnar í eini vinnu í søguligari niðurgongd. Við at taka truplar avgerðir yvirlivdi felagði, men bert ákkurát.

– Væntanir um framtíðina grundaðar á ta vita, sum felagið hevði, var felagið í framhaldandi rakstri, eisini við fíggjarligum stuðli frá Londin Oil and Gas.

– Hóast hetta kastar tað, at Londin Oil and Gas nýliga fór undir umsiting, ein skugga yvir framtíðina. Í hesi ársfrágreðing er hetta bert eitt skýggj í havsbrúnni, í eini sera jaligari ársfrágreiðing fyri virksemi í 2018, skrivar nevndarformaðurin í ársfrágreiðigin. Og hann heldur fram, at í 2018 megnaðu vit at:

– avhenda Blackbird og Ettrick loyvisskyldur, soleðis at felagið er leyst av øllum skyldum viðvíkjandi upprudding.

– bóka eina jaliga broyting í fíggarstøðuni vísandi til omanfyristandandi.

– flyta felagið frá skyldum og munandi kostnaði í Aurora feltinum soleiðis, at ognarar eru lækkaðar til null.

– leingja Badger loyvið fyri at endurmeta og endaliga avhenda luttøku grundað á kostnaður/vandi ikki kundi rættvíserast

– umlagt mannagongdir hjá felagnum í sambandi við grannskoðan av ensku feløgunum og lækka kostnaðin, samstundis við fyrimununum av »nýggjum eygum«.

Hetta vil siga at seinastu avbjóðingarnarí vikrseminum í Norðsjónum nú eru loystar.

 

 

.

Soleiðis er bygnaður hjá P/F Atlantic Petroleum í dag