Sambandið vinnur fólkatingsvalið

Nýggj veljarakanning til fólkatingsvalið vísir, at Sambandsflokkurin og Javnaðarflokkurin endurvinna sessirnar

Nýggj veljarakanning til fólkatingsvalið vísir, at Sambandsflokkurin og Javnaðarflokkurin endurvinna sessirnar

 

Sambært feskari veljarakanning, sum Fynd hevur gjørt fyri Sosialin, vinna Sambandsflokkurin og Javnaðarflokkurin greiðan sigur – í øllum førum um val var í dag.

 

Sambandsflokkurin hevði aftur verið størstur flokkur til fólkatingsvalið við 26,1 prosent. Tað er ein afturgongd upp á 4,6 prosentstig í mun til seinasta fólkatingsval, tá flokkurin fekk 30,8 prosent.

 

Javnaðarflokkurin hevði verið næststørsti flokkur og soleiðis vunnið hin fólkatingsessin við 24,6 prosentum, sum er ein framgongd upp á 3,6 prosentstig.

 

Veljarakanningin vísir, at Sambandsflokkurin og Javnaðarflokkurin hava lagt sjógv ímillum seg og Tjóðveldi – og serliga Fólkaflokkin.

 

Tjóðveldi fær í kanningini 20,6 prosent. Tað er ein framgongd upp á 1,3 prosentstig í mun til seinasta fólkatingsval.

 

Fólkaflokkurin fær 15,3 prosent, sum er ein afturgongd upp á 3,7 prosentstig í mun til seinasta fólkatingsval.

 

Meira kann lesast um veljarakanningina í Sosialinum, sum kann lesast á www.sos.fo um eina løtu.