Seta tiltøk í verk fyri at sleppa undan lukti og dálking í Havn

Strangari krøv skulu setast til summar fyritøkur í kommununi

Tað er ein gamal trupulleiki, at Havnarvág er dálkað við olju

Tað er ein gamal trupulleiki, at Havnarvág er dálkað við olju

Tað er ein stórur trupulleiki, at nógv feitt, og nóg olja, verður koyrt í kloakkirnar í Havn.

Tórshavnar Býráð sigur, at tá ið feitt verður koyrt í kloakkirnar, typpast, og tað ger eisini, at kloakkirnar tærast, og at tað fer at lukta, tá ið tað rotnar.

Somuleiðis elvir tað til nógva dálking, at so nógv olja verður koyrt í kloakkirnar, umframt at tað luktar illa.

Býráðið sigur, at ein høvuðskelda til alt feittið, sum fer í kloakkirnar, eru matstovur, og aðrir tórkøkar, sum ikki hava nøktandi feitt-úrskiljara, og ein høvuðskelda til oljuna, sum fer í kloakkirnar, eru bilaverkstøð, bensinstøðir, og onnur verkstøð, sum ikki hava nøktandi olju-úrskiljara.

Nú ætlar býráðið sær at fáa ein enda á hesum trupulleikunum, og tí verður tað nú eitt krav, at matstovur, og aðrir stórkøkar, fáa sær feitt- úrskiljara, so at feittið ikki fer í kloakkirnar, og samstundis verður tað eitt krav til bilaverkstøð, bensinstøðir, og onnur, at tey fáa sær nøktandi olju-úrskiljara.

Av tí at hetta fer at føra útreiðslur við sær, fáa tey eina freist upp á fýra ár at fáa viðurskiftini í rættlag.

Býráðið er samt um hetta, men nýggju krøvini skulu kortini samtykkjast í býráðnum, áðrenn tey verða settar í gildi.

 

Men tey siga eisini, at ætlanin er at seta eitt umfatandi eftirlitsarbeiði í verk fyri at tryggja, at krøvini verða gingin á møti.

Tað er ein gamal trupulleiki, at Havnarvág er dálkað við olju