Edmund tvær bókaframløgur

Nýggja bókin hjá Edmundi Joensen, fólkatingsmanni, kemur nú út til føroyingar at lesa.

Nýggja bókin hjá Edmundi Joensen kemur nú út til føroyingar at lesa.

 

Bókin eitur "Okkara maður á Christiansborg", og útgávudagurin er í morgin, hósdagin 6. november 2014.

 

Fyrsta framløgan av bókini verður í Perluni í Tórsgøtu 3 klokkan 16.30. Tá leggur Edmund bókina fram og høvi verður hjá øllum at ogna sær hana signeraða.

 

Onnur framløgan fer fram á bókasavninum í barnaskúlanum á Oyrarbakka klokkan 20.

 

Fólkatingsmaðurin leggur bókina fram, og eisini har er møguleiki at ogna sær bókina og fáa hana signeraða.

 

- Bókaframløgurnar eru almennar, og øll eru hjartaliga vælkomin, sigur útgevarin.