Føroya arbeiðsgevarafelag gjørt tveir nýggjar sáttmálar

YTF og Finansforbundet hava undirskrivað nýggjar sáttmálar við Føroya Arbeiðsgevarafelag

Í farnu viku skrivaði Føroya Arbeiðsgevarafelag undir nýggjar sáttmálar við Finansforbundet og YTF. Finansforbundet er í høvuðsheitum fakfelagið hjá teimum, ið starvast innan bankavinnuna, meðan YTF er yrkisfelag teirra, ið starvast í tryggingar-, fíggjar- og KT-fyritøkum og líknandi.

 

Í høvuðsheitum er talan um sama karm, sum semja annars hevur verið um í hesi samráðingarrunduni hjá Føroya Arbeiðsgevarafelag. YTF fekk eina lønarhækkan á 1,97 prosent fyrsta árið og 2,25 prosent annað árið. Finansforbundet fekk 1,85 prosent fyrsta árið og 2,25 prosent annað árið.

 

Bæði fakfeløgini undirskrivaðu eisini eina avtalu um fráboðanarfreist í samband við verkfall.