Kontroll gevur succes

VINNUDAGUR: Geir Johan Bakke, forstjóri í Havyard Offshore, er gestarøðari á Vinnudegnum

Føroyska sambandið hjá Havyard er Skansi Offshore. Ambitiøsa fyritøkan hevur síðstu árini sent fleiri ordrar til norsku skipasmiðjuna, og í dag fáa føroysk vinnulívsfólk so eitt sindur meira at vita um, hví Havyard er ein fyritøka við succes.

 

Forstjórin í Havyard Group, Geir Johan Bakke, er gestarøðari á Vinnudegnum í dag.

 

Hann greiðir frá gongdini síðstu 13 árini, har Havyard hevur flutt seg frá at vera ein lokal skipasmiðja til at vera ein altjóða veitari av skipstøkni.

 

Tíðarskeiði 2000 til 2013 hevur Havyard keypt umleið 20 fyritøkur og feløg. Havyard er í dag virkið í eini røð av londum kring allan heimin. Tað merkir, at í dag klárar Havyard sjálvt at framleiða millum 40 og 50 prosent av øllum lutum, sum eitt frálandaskip brúkar.

 

- Vegurin til succes er at hava tamarhald á støðuni. Tú skal stýra so nógvum sum sjálvur. Tað er har, tú hevur møguleikar at tjena pengarnar, sigur Geir Johan Bakke, tá hann tosar um forrætnings modellið hjá hansara fyritøku.

 

- Tú skal vera til reiðar at broyta teg. Ein góður leiðari fremur broytingarnar, meðan hann kann. Ikki tí hann noyðist, sigur Geir Johan Bakke.

 

Havyard hevur síðstu árini dugað at tjena støðugt fleiri pengar. Fyritøkan hevði í fjør yvirskot á umleið 250 milliónir krónur

 

Filosofiin er, at kundin skal vera í miðdeplinum.

 

- Okkara intensjón kann sigast við setninginum ”improving life at sea”, og tað er útgangsstøði fyri okkara virksemi, sigur Geir Johan Bakke.

 

Havyard Group hevur sett sær fimm strategiskar faktorar fyri succes. Design, tøkni, góðska, kostnaður og leveringstíð.

 

Havyard Group hevur smíðað øll skipini hjá føroyska frálandareiðarínum, Skansi Offshore. 

 

- Okkara mál var at fylgja Skansi Offshore allan vegin, líka til tey fingu skipini frá okkum, sigur Geir Johan Bakke við adressu til føroyska kundan.

 

Les eisini:

 

Nýggjar avbjóðingar krevja nýggjar loysnir

 

Gerið eitt nýtt Statoil

 

Vit skulu vera stolt