Nú er Ågot komin á beting – myndatema

Nú er Ågot komin uppá betingina hjá Klaksvíka Sleiðistøð, so nú ber betur til at gera sær metingar um hvussu stórur skaðin er og hvussu umfatandi eitt møguligt umvælingararbeiði er.

Sum sæst á myndunum er masturin eisini blivin skeiv, so nakað umfatandi man skaðin vera. Bæði dekkini eru buglað upp, og báðarsíðurnar kroystar inn

Sum sæst á myndunum er masturin eisini blivin skeiv, so nakað umfatandi man skaðin vera. Bæði dekkini eru buglað upp, og báðarsíðurnar kroystar inn

Nú er Ågot komin upp á betingina hjá Klaksvíka Sleiðistøð, so nú ber betur til at gera sær metingar um, hvussu stórur skaðin er, og hvussu umfatandi eitt møguligt umvælingararbeiði er.

 

Reiðarin, Eyðstein Poulsen, og skiparin, Hjáltur Pousen, gingu og skimaðust heldur fámæltir. Longur uppi á bakkanum gekk Guðmamman til skipið, Ågot, sum báturin er uppkallaður eftir – mamma skiparan og reiðaran. Sjónvarpið gjørdi samrøðu við hana.

 

Sjálvandi var hon hørm um støðuna og leit aftur í tíðina, har Ågot eisini hevði havt ein týðandi leiklut sum jólaskip. Serliga vóru onkur av børnunum í familjuni hørm, um hesin leiklutur ikki kundi halda fram, greiddi hon frá við einum smíli.

 

Mest umráðndi man vera at koma aftur í vinnuna so skjótt sum gjørligt. Hvussu hesin leikur ferð, fara komandi dagar at kunna greiða nærri frá, tá ið skipasýnisfólk og onnur, ið hava skil fyri slíkum, betur kunnu gera sínar niðurstøðut, nú báturin er komin á beding.

 

Orð og myndir: Dávur Winther