Spania lýst í undantaksstøðu

Spania er hart rakt av koronu, og nú er útgongubann lýst um alt Spania

Spanska samfelagið er hart rakt av koronu, og nú hevur Pedro Sanchez sett nýggj tiltøk í verk at tálma smittuni

Spanska samfelagið er hart rakt av koronu, og nú hevur Pedro Sanchez sett nýggj tiltøk í verk at tálma smittuni

Spania er harðast rakta landið, nú onnur bylgja av koronusmittuni skolar inn yvir Europa. Fríggjadagin vóru 20.000 fólk staðfest sjúk í Spania í einum døgni, og 231 fólk vóru deyð við koronu. Samlaða deyðstalið í Spania er nú farið at nærkast 35.000.

Upp undir vikuskiftið lýstu nakrir landslutir í Spania útgongubann um náttina, men nú hevur miðstjórnin í Madrid sett nýggj og strangari tiltøk í verk.

Spanski forsætisráðharrin, Pedro Sanches, hevur í røðu í dag lýst lýst undantaksstøðu í Spania, og nú er útgongubann sett í verk um alt landið – undantikið kanarisku oyggjarnar – frá klokkan ellivu á kvøldi til klokkan seks á morgni. Hendan avgerð varð tikin á kreppufundi í sponsku stjórnini í dag.

– Veruleikin er, at Europa og Spania eru rakt av nýggjari bylgju av farsóttini, segði Pedro Sanchez sambært AP.

Fyribils er undantaksstøðan í Spania galdandi í 15 dagar, men forsætisráðharrin fyrireikaði spaniólar upp á, at hon kann koma av varða heilt upp í seks mánaðir.

Stjórnin hevur eisini boðað teimum 19 landslutunum frá, at tey kunnu seta strangari tiltøk í verk, um tey halda tað verða neyðugt.

Spanska samfelagið er hart rakt av koronu, og nú hevur Pedro Sanchez sett nýggj tiltøk í verk at tálma smittuni