Sverri eltir NFL-dreymin í USA

- NFL er heilt klárt realistiskt, men tað krevur hart arbeiði, sigur føroyski Sverri Finsson, sum spælir við Monroe Mustangs.

Sverri Finsson saman við pápa sínum, Finn Petersen.

Sverri Finsson saman við pápa sínum, Finn Petersen.

Á Monroe College í USA ger føroyski Sverri Finsson um seg í amerikanskum fótbólti, og hann droymir um at koma heilt upp á tindarnar.

- NFL er heilt klárt realistiskt, men tað krevur hart arbeiði. Eg njóti hvørja løtu av ferðini, og eg gleði meg hvønn dag til at blíva betri enn eg var í gjár, sigur hann.

Sverri hevur áður spælt við Copenhagen Towers í bestu donsku deildini, men hann hevur nú spælt eitt kappingarár í NJCAA-deildini, har hann spælir við Monroe Mustangs.

Sverri er 24 ára gamal, og hann spælir outside linebacker hjá Monroe Mustangs, sum hevði eitt frálíkt kappingarár í fjør og spældi seg allan vegin í bowl-dystin, sum er eitt slag av einari finalu.

Drúgv grein er at lesa um Sverra Finsson í Sosialinum frá mánadegnum, har hann eitt nú greiðir nærri frá um upprunan, gerandisdagin í New York og um framtíðarætlanirnar.

Sverri Finsson saman við pápa sínum, Finn Petersen.