Robert Heðin og Sørmundur úttiknir til U21-landsliðið

Tað verður eitt nakað skert føroyskt U21-landslið, sum í EM-undankappingini fær vitjan av Týsklandi á Tórsvølli fríggjakvøldið kl.19.45. Kristian Joensen er úttikin til A-landsliðið, Poul Ingason skal hjálpa U19-landsliðnum og Árni Frederiksberg er leikbannaður. Síðani tá hava René S. Joensen og Sonni Ragnar Nattestad eisini givið avboð. René vegna skaða, meðan Sonni Ragnar ikki fær loyvi frá felagi sínum, danska FC Midtjylland, at spæla við U21-landsliðnum, nú hann hevur drigist við skaða áður og skal royna at koma seg heilt.


U21-landsliðsvenjararnir, Bill McLeod Jacobsen og Heðin Askham, hava nú úttikið tveir leikarar sum avloysarar hjá annars føstu verjuleikarunum. Teir báðir verða Robert Heðin Brockie úr B36 og Sørmundur Kalsø úr KÍ. Hetta váttar Bill McLeod Jacobsen fyri in.fo í kvøld.


Undan teimum vóru Teitur Matras Getsson (HB) Jóhan Jacobsen (KÍ) Heðin Klakstein (KÍ) Leivur Joensen (ÍF) og Teitur Justinussen (TB) nýggir í hópinum.