Turkur: Fólk í Leynum mugu spara upp á vatnið

Kvívíkar kommuna heitir á borgarar um ikki at oyðsla við vatninum, nú brunnurin er við at vera tómur

 

Tey ovastu húsini í Leynum fingu ikki nakað vatn í morgun, tá tendrað var fyri krananum. Tað er nevniliga vatnmangul í brunninum í Leynum hesar dagar, og orsøkin er, at tað ikki hevur regna so leingi.

Av tí at bygdin er so høg upp og niður, stendur á tanganum av reinsaða vatninum, og tí merkja tey ovastu húsini vatnmangulin fyrst.

Turkin merkir, at borgarar mugu spara upp á vatni og ikki fara at vaska bil og annað í dag, soleiðis at brunnurin ikki tømist heilt.