Við seglbáti tvørtur um Atlantshavið til veðurlagstoppfund

Greta Thunberg. Mynd: Ritzau Scanpix

Greta Thunberg. Mynd: Ritzau Scanpix

16 ára gamla Greta Thunberg, ið seinasta árið er vorðið ímyndin av stríðum móti veðurlagsbroytingum, fer næsta mánað at sigla tvørtur um Atlantshavið. Tað ger hon fyri at kunna at luttaka á einum ST-toppfundi um veðurlagsbroytingar.

Undangongukvinnan fyri veðurlagsverkføllini, ið hava verið kring heimin seinastu mánaðirnar, hevur tí støðu, at hon sýtir fyri at taka flogfar vegna teirra stóra CO2-útlát. Í staðin ferðast hon við toki, tá hon luttekur á verkføllum og fundum kring Evropa.

Hendan støðan hevur higartil forðað fyri luttøku á fundum og tiltøkum uttanfyri Evropa, men nú hevur hon funnið eina loysn.

- Góð tíðindi! Eg taki lut á ST fundinum Climate Action Summit í New York. Eg havi fingið boðið at koma við kappsiglaranum Malizia II, skrivar Greta Thunberg á Twitter.

Mett verður at ferðin við bátinum til New York tekur umleið tvær vikur. Umframt at fara til New York í august hevur hon eisini ætlanir um at luttaka í árliga ST fundinum Framework Convention on Climate Change, ið verður í Kili í desember. 

Greta Thunberg. Mynd: Ritzau Scanpix