Hava spart 200 næmingar burtur

Musikkskúlin hevur verið noyddur at spara, hóast bíðilistin er langur

 

Hesi seinastu fimm árini hevur Musikkskúlin tilsamans verið noyddur at spara 200 næmingar burtur.

 

Tað sigur Martin Mouritsen, Musikkskúlaleiðari.

 

Hann sigur at hesi seinastu árini hevur játtanin til Musikkskúlan staðið í stað.

 

Men samstundis eru útreiðslurnar hækkaðar – eisini í sambandi við, at statvsaldurin hjá lærarunum hækkar.

 

Tilsamans hava vit verið noydd at spara ein lærara burtur um árið og sostatt eru vit í dag fimm lærarar og 200 næmingar færri á Musikkskúlanum, enn vit vóru fyri fimm árum síðani, sigur Martin Mouritsen.

 

Harafturat er skrivstovufólkið spart burtur, so nú er leiðarin einsamallur í umsitingini.

 

Næsta ár ætlar samgongan at hækka játtanina 180.000 krónur, upp í 11,867 milliónir.

 

- Verður tað samtykt, sleppa vit í hvussu so er undan at skerja virksemi enn meiri næsta ár, sigur Martin Mouritsen.

 

Tilsamans eru einir 1800 næmingar, sum ganga í Musikkskúlanum at læra seg at spæla eitt ljóðføri og verða so kórini tikin við, eru næmingarnir fleiri, kanska 2000.

 

Musikkskúlaleiðarin sigur, at tilsamans standa eini 700 næmingar á bíðilista til Musikkskúlan, og her talan um næmingar, sum sum kundu byrja tann dag í morgin, um so skuldi verið.