Signhild tók átta ára gamalt met

Signhild Joensen. Mynd: svimjing.com

Signhild Joensen. Mynd: svimjing.com

Elspa Mørkøre var fram til í gjár skjótasti føroyingur nakrantíð í 200 metra ryggsvimjing, aftaná at hon í 2007 setti met á teininum við tíðini 2:15.40.


Tað broyttist tó í gjár, tá tað loksins eydnaðist Signhild Joensen úr Ægir at taka átta ára gamla metið frá Elspa Mørkøre.


Tað gjørdi hon á Ægir-stevnuni í Klaksvík í gjár, tá hon svam teinin upp á 2:14.75. Tað skrivar svimjing.com.


Tað var ikki óvæntað, at tað var varð júst Signhild Joensen, ið setti nýtt met á teininum, tí so seint sum í november var hon eisini tætt við at taka føroyska metið, tá hon setti nýtt juniormet á teininum við tíðini 2:15.40.