Nýggjastu tølini á korona.fo siga, at tilsamans níggju tilburðir við koronu vórðu staðfestir í gjár.
Í løtuni eru 220 fólk í sóttarhaldi, og talið av smittaðum í Føroyum er 92.
Allar koronu-kanningar til og við í gjár, 14. oktober, eru taldar við í nýggjastu uppgerðini, sum júst er dagførd.
Og seinsta samdøgrið vórðu 729 koronu-kanningar gjørdar.
Øll eru smittað í Føroyum av kendum smittukeldum. Samstundis, sum níggju tilburðir eru staðfestir aftrat, eru 11 fólk vorðin frísk aftur.